ԿԱՅՔԻ ՔԱՐՏԵԶ
ԹԵԺ ԳԻԾ
03.10.2016 16:56
Ճանապարհատրանսպորտային պատահարներ
Հոկտեմբերի 1-ին «Հանրապետական բժշկական կենտրոն» ՓԲԸ-ից ոստիկանության Ստեփանակերտի քաղվարչություն հաղորդում է ստացվել այն մասին, որ մարմնական վնասվածքներով իրենց մոտ է ընդունվել Զորգե փողոցի N տան բնակիչ, 1976թ. ծնված Ա. Բ-ն:
Պարզվել է, որ նույն օրը՝ ժամը 19:25-ի սահմաններում, Մարտունու և Դանիելյան փողոցների խաչմերուկում իրար են բախվել Մաշտոցի փողոցի թիվ 3 շենքի N բնակարանի բնակիչ, 1970թ. ծնված Ա. Ա-ի վարած «ՎԱԶ-2107» մակնիշի և Իսահակյան փողոցի N տան բնակիչ, 1977թ. ծնված Ն. Գ-ի վարած «OPEL VECTRA» մակնիշի ավտոմեքենաները, ինչի արդյունքում «ՎԱԶ-2107»-ի ուղևոր Ա. Բ-ն ստացել է վնասվածքներ:
****
Հոկտեմբերի 1-ին՝ ժամը 07:00-ի սահմաններում, Մարտունու շրջանի Սոս գյուղի բնակիչ, 1947թ. ծնված Հ. Հ-ն, վարելով «ՎԱԶ-2106» մակնիշի ավտոմեքենան, Կարմիր Շուկա-Ստեփանակերտ ավտոճանապարհի 20-րդ կիլոմետրին դուրս է եկել ճանապարհի երթևեկելի մասից, բախվել ճամփեզրի ծառին և ստացած մարմնական վնասվածքներով տեղափոխվել «Հանրապետական բժշկական կենտրոն» ՓԲԸ:
****
Հոկտեմբերի 1-ին՝ ժամը 09:10-ի սահմաններում, Հադրութի շրջանի Կարմրակուճ գյուղի բնակիչ, 1993թ. ծնված Գ. Պ-ն, վարելով «Մերսեդես Բենց C-230» մակնիշի ավտոմեքենան, Հադրութի շրջանի նախկին «Կարախամբեյլի» կոչվող տեղամասից «Ֆիզուլի» տանող ավտոճանապարհի 7-րդ կիլոմետրին դուրս է եկել երթևեկելի մասից և կողաշրջվել, ինչի հետևանքով ինքը և ուղևոր Զինավան թաղամասի բնակիչ, 1991թ. ծնված Ռ. Պ-ն ստացած մարմնական վնասվածքներով տեղափոխվել են Մարտունու զինվորական հոսպիտալ: