ԿԱՅՔԻ ՔԱՐՏԵԶ
ԹԵԺ ԳԻԾ
06.09.2019 14:01
Ճանապարհատրանսպորտային պատահար՝մայրաքաղաքում
ԱՀ ոստիկանության Ստեփանակերտ քաղաքի վարչության ծառայողները պարզել են, որ սեպտեմբերի 4-ին, ժամը 12:35-ի սահմաններում մայրաքաղաքի Հ. Հակոբյան և Վ. Սարգսյան փողոցների հատման խաչմերուկում իրար են բախվել ՀՀ Երևան քաղաքի բնակչուհի, 1980թ.ծնված Ն. Գ-ի վարած «Նիսսան Տիանա» մակնիշի և Ստեփանակերտ քաղաքի բնակիչ, 1996թ.ծնված Մ. Ղ-ի վարած «Օպել Աստրա» ավտոմեքենաները, որից հետո, վերջինիս վարած ավտոմեքենան բախվել է Հ. Հակոբյան փողոցում կայանված Ստեփանակերտ քաղաքի բնակիչ, 1977թ.ծնված Ս. Թ-ին պատկանող «Հյունդայ Տուքսոն» մակնիշի ավտոմեքենային, ինչի արդյունքում Ն. Գ-ն ստացած մարմնական վնասվածքներով դիմել է քաղաքային պոլիկլինիկա։
Նշանակվել է դատաբժշկական փորձաքննություն։
Վթարի պատճառները պարզելու ուղղությամբ իրականացվում են համապատասխան աշխատանքներ։
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: