ԿԱՅՔԻ ՔԱՐՏԵԶ
ԹԵԺ ԳԻԾ
04.07.2020 18:26
Հյուրընկալություն՝ ԱՀ ոստիկանության պետի մոտ
2020թ.հուլիսի 4-ին Արցախի Հանրապետության ոստիկանության պետ, ոստիկանության գեներալ-մայոր Աշոտ Հակոբջանյանը հյուրընկալեց ՀՀ-ում բնակվող, Սիրիայի քաղաքացի, գործարար Մուհամադ Մաքքիի գլխավորած պատվիրակությանը։ Պատվիրակության կազմում էր նաև Մատենադարան- Գանձասար գիտամշակութային կենտրոնի տնօրեն Արամ Թորոսյանը։
Մուհամադ Մաքքին ցանկություն էր հայտնել ֆինանսական աջակցություն տրամադրել ԱՀ ոստիկանությանը։ Ջերմ մթնոլորտում ծավալված զրույցի ընթացքում, ԱՀ ոստիկանության պետը հայտնել է, որ գործարարի տրամադրած ֆինանսական աջակցությունը կհատկացվի արցախյան պատերազմում զոհված 47 ոստիկանների ընտանիքներին։
Հանդիպմանը ներկա էր նաև ԱՀ ոստիկանության պետի առաջին տեղակալ, ոստիկանության գնդապետ Նորայր Բաբայանը։
ԱՀ ոստիկանության պետ, ոստիկանության գեներալ-մայոր Աշոտ Հակոբջանյանն իր երախտագիտությունը հայտնեց գործարար Մուհամադ Մաքքիին և նրան հանձնեց շնորհակալագիր։