ԿԱՅՔԻ ՔԱՐՏԵԶ
ԹԵԺ ԳԻԾ
30.12.2019 10:55
Հեռախոս և պլաստիկ քարտ է հափշտակել
Դեկտեմբերի 27-ին Ստեփանակերտ քաղաքի բնակիչ, 1970թ.ծնված Վ. Ղ.-ն դիմել է ԱՀ ոստիկանության Ստեփանակերտ քաղաքի վարչություն առ այն, որ դեկտեմբերի 26-ին Ստեփանակերտ քաղաքում անհայտ հանգամանքներում կորցրել է իրեն պատկանող «Արցախբանկ» ՓԲԸ պլաստիկ քարտը, որի մեջ առկա էր 40 000ՀՀ դրամ:
Նույն օրը մայրաքաղաքի բնակիչ,1986թ.ծնված Է. Ա.-ն ներկայացել է ոստիկանության քաղվարչություն և հայտնել, որ Վ. Ղ.-ն է իրեն տվել նշված քարտը իր համար 20 000 դրամ կանխիկացնելու նպատակով:
Ոստիկանության ծառայողը պարզել է, որ դեկտեմբերի 26-ին ժամը 19:00-ի սահմաններում Է. Ա.-ն ներկայանալով Վ. Ղ.-ի բնակարան գաղտնի հափշտակել է վերջինիս պատկանող «Ֆլայ» տեսակի բջջային հեռախոսը և «Արցախբանկ» ՓԲԸ պլաստիկ քարտը իր ծածկագրով, որից էլ կանխիկացրել է 20 000ՀՀ դրամ:
Գողոնը մասամբ առգրաված է:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: