ԿԱՅՔԻ ՔԱՐՏԵԶ
ԹԵԺ ԳԻԾ
12.02.2020 12:09
Հարվածներ են հասցրել մարմնի տարբեր մասերին
Փետրվարի 11-ին ԱՀ ոստիկանության Ստեփանակերտի ՔՈՎ ՊՊԾ գումարտակի ոստիկան Գ.Ա.-ն զեկուցագիր է ներկայացրել ԱՀ ոստիկանության Ստեփանակերտ քաղաքի վարչություն առ այն, որ նույն օրը ժամը 00:05-ի սահմաններում նույն գումարտակի ոստիկան Մ. Հ.-ի հետ վերակարգում գտնվելու ժամանակ մայրաքաղաքի Թումանյան 56 շենքի դիմացի ճանապարհահատվածում վիճաբանություն է առաջացել Ստեփանակերտ քաղաքի բնակիչներ՝ եղբայրներ, 1994թ. ծնված Կ. Ա.-ի, 1996թ. ծնված Ա. Ա.-ի և 1994թ. ծնված Վ. Հ.-ի միջև, որի ընթացքում Կ. Ա.-ն և Ա. Ա.-ն հարվածներ են հասցրել Գ. Ա.-ի ու Մ. Հ.-ի մարմնի տարբեր մասերին, իսկ Վ. Հ.-ն բաժանել է վերջիններիս:
Նշված անձանց տրվել է դատաբժշկի ուղեգրեր:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: