ԿԱՅՔԻ ՔԱՐՏԵԶ
ԹԵԺ ԳԻԾ
28.08.2017 17:42
Հարգելի համերկրացիներ
Գիտելիքի և դպրության ու անկախության տոնի առթիվ Արցախի Հանրապետության ոստիկանության պետի և ոստիկանության ողջ անձնակազմի անունից ջերմագին շնորհավորանքներ հղելով մեր ժողովրդին, հիշեցնում ենք. որ այսօրվանից մեկնարկել է «Ուշադրություն երեխաներ են» կագախոսով անվտանգ երթևեկության միամսյակը, որի ընթացքում ճանապարհային ոստիկանության վերակարգերը կմոտեցվեն դպրոցներին և դպրոցամերձ խաչմերուկներին։ Ճանապարհային ոստիկանության և անչափահասների գործերով տեսուչները կայցելեն դպրոցներ և երթևեկության կանոնների վերաբերյալ համապատասխան պրոֆիլակտիկ դասախոսություններով հանդես կգան աշակերտների շրջանում։
իշեցնում ենք, որ միամսյակի ընթացքում ճանապարհային ոստիկանությունը ցուցաբերելու է առավել խստություն կարգազանց և անուշադիր վարորդների նկատմամբ։
Տոնական միջոցառումների ընթացքում պատշաճ հասարակական կարգի ապահովման նպատակով ոստիկանության պետի հրամանով ոստիկանության ողջ անձնակազմը անցել է ուժեղացված ծառայության։
Կոչ ենք անում ցուցաբերել ողջախոհություն և ըմբռնումով մոտենալ ոստիկանության ծառայողների օրինական պահանջներին։