ԿԱՅՔԻ ՔԱՐՏԵԶ
ԹԵԺ ԳԻԾ
14.11.2016 17:15
Հայտնաբերվել է թմրանյութի զանգվածներ և կանեփի սերմեր
Նոյեմբերի 10-ին «Հանրապետական բժշկական կենտրոն» ՓԲԸ-ից հաղորդում է ստացվել այն մասին, որ աջ դաստակային հոդի սալջարդ, հեմատոմայով բուժօգնության է դիմել Ստեփանակերտ քաղաքի Բաղրամյան փողոցի N տան բնակչուհի, 1931թ. ծնված Շ. Հ-ն:
Պարզվել է, որ նոյեմբերի 9-ին՝ ժամը 14:30-ի սահմաններում, Տիգրան Մեծի փողոցի N տան բնակիչ, 1976թ. ծնված Գ. Կ-ն, վարելով «ԲՄՎ» մակնիշի ավտոմեքենան, Բաղրամյան փողոցի թիվ 7 հասցեում տեղակայված «Մոր և մանկան առողջության պահպանման կենտրոն» ՓԲԸ բակում, հետընթաց կատարելու ժամանակ, վրաերթի է ենթարկել Շ. Հ-ին:
*****
Նոյեմբերի 11-ին՝ ժամը 22:45-ի սահմաններում, Ստեփանակերտ քաղաքի Շ.Դանիելյան և Մարտունու փողոցների խաչմերուկում իրար են բախվել Լ.Հուրունցի փողոցի N տան բնակիչ, 1990թ. ծնված Ն. Ե-ի վարած «DAEWOO» մակնիշի ավտոմեքենան և Թումանյան փողոցի թիվ 67 շենքի N բնակարանի բնակիչ, 1989թ. ծնված Ա. Ս-ի վարած «Opel Astra» մակնիշի ավտոմեքենան, ինչի հետևանքով «Opel Astra»-ի երկու ուղևորուհի ստացել են մարմնական վնասվածքներ:
*****
Նոյեմբերի 12-ին` ժամը 19:00-ի սահմաններում, Ստեփանակերտ քաղաքի Հեքիմյան փողոցի թիվ 12 շենքի N բնակարանի բնակիչ, 1962թ. ծնված Ռ. Պ-ն իրեն պատկանող «ԳԱԶ-3110» մակնիշի ավտոմեքենայով Իսակովի փողոցի թիվ 2ա/1 հասցեում տեղակայված խանութի դիմացի ճանապարհահատվածում վրաերթի է ենթարկել Մանուկյան փողոցի թիվ 4բ շենքի N բնակարանի բնակիչ, 1963թ. ծնված Վ. Ս-ին, ով ոտքի կոտրվածքով բուժօգնության է դիմել «Հանրապետական բժշկական կենտրոն» ՓԲԸ: