ԿԱՅՔԻ ՔԱՐՏԵԶ
ԹԵԺ ԳԻԾ
30.05.2017 15:18
Հայտնաբերվել է թմրամիջոցի ապօրինի իրացման դեպքեր
Մայիսի 29-ին ԼՂՀ ոստիկանության ՔՀՎ ծառայողները օպերատիվ տեղեկությունների ստուգման արդյունքում Ստեփանակերտ քաղաքի Բաղրամյան փողոցի թիվ 2ա շենքի մոտ անձնական զննության են ենթարկել նշված քաղաքի Ա.Մկրտչյան փակուղու N տան բնակիչ 1989թ. ծնված Հ.Գ-ին, ում հագուստի գրպաններում հայտնաբերվել է 1,42, 0,69 և 0,72 գրամ քաշով կանաչ գույնի չորացված և մանրացված կանեփանման բույսի փաթեթավորված զանգվածներ, իսկ նրան պատկանող «Օպել Աստրա» ավտոմեքենայի սրահում` 2,36 գրամ նմանատիպ զանգված: Պարզվել է, որ Հ. Գ-ն Ստեփանակերտ քաղաքի Բաղրամյան փողոցի N տան բնակիչ 1988թ. ծնված Ա. Բ-ից ձեռք է բերել թվով 35 փաթեթ` յուրաքանչյուրը 7000 դրամով և իրացրել Ստեփանակերտ քաղաքի բնակիչներ 1988թ. ծնված Ն. Դ-ին, 1988թ. ծնված Ա. Ա-ին, 1992թ. ծնված Ա. Հ-ին և Ասկերանի շրջանի Աստղաշեն գյուղի բնակիչ 1979թ. ծնված Է. Ղ-ին:
* * *
Նույն օրը վարչության ծառայողները զննության են ենթարկել նաև Մարտակերտի վարչական տարածքի «510 բազա» կոչվող տեղանքում գտնվող Ստեփանակերտ քաղաքի Հեքիմյան փողոցի թիվ 4 շենքի N բնակարանի բնակիչ 1968թ. ծնված Լ. Ա-ի կողմից օգտագործվող հողատարածքը, որտեղ տեղակայված շինության սենյակի սեղանին հայտնաբերվել է 35 գրամ քաշով կանաչ գույնի չորացված և մանրացված կանեփանման բույսի զանգված, իսկ շինության տանիքում` 1630 գրամ նմանատիպ զանգվածի պարունակությամբ մեկ պարկ: Պարզվել է, որ վերջինս նման զանգվածի պարունակությամբ թվով 40 փաթեթ` յուրաքանչյուրը 5000 դրամով իրացրել է Ստեփանակերտ քաղաքի Բաղրամյան փողոցի N տան բնակիչ 1988թ. ծնված Ա. Բ-ին: