ԿԱՅՔԻ ՔԱՐՏԵԶ
ԹԵԺ ԳԻԾ
13.08.2019 11:32
ՀԱՅՏՆԱԲԵՐՎԱԾ ԿԱՆԵՓԱՆՄԱՆ ԲՈՒՅՍԵՐ՝ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻ ԿՈՂՄԻՑ
Ս.թ.օգոստոսի 12-ին ԱՀ ոստիկանության քրեական հետախուզության վարչության ծառայողները՝ Մարտակերտի շրջանային բաժնի ծառայողների հետ համատեղ նույն օրը ժամը 20:00-ի սահմաններում զննության են ենթարկել Մարտակերտ քաղաքի Թումանյան փողոցում տեղակայված առանձնատներից մեկը, որտեղ տան կից շինության մեջ՝ պլաստմասե տարայում հայտնաբերվել է Մարտակերտի շրջանի բնակիչ, 1988թ.ծնված Մ. Հ-ի կողմից աճեցված և մշակված կանեփանման 1 բույս, իսկ նույն շրջանի համայնքերից մեկում տեղակայված վերջինիս պատկանող առանձնատան կից այգում հայտնաբերվել է իր կողմից մշակված և աճեցված նույնանման 3 բույս:
Ստուգմամբ զբաղվում է ԱՀ ոստիկանության քրեական հետախուզության վարչությունը:
Եվս մեկ անգամ հիշեցնում ենք օրենսդրությամբ սահմանված բացառիկ հնարավորության մասին՝ համաձայն որի, թմրամիջոցներ կամ հոգեմետ (հոգեներգործուն) նյութեր, դրանց պրեկուրսորներ, ինչպես նաև խիստ ներգործող կամ թունավոր նյութեր կամովին հանձնող անձն ազատվում է դրանք ապօրինի պատրաստելու, վերամշակելու, ձեռք բերելու, փոխադրելու կամ առաքելու համար նախատեսված քրեական պատասխանատվությունից։
Նմանատիպ բուսատեսակներ կամ նյութեր ապօրինի պահող անձանց առաջարկում ենք չհետաձել չարիքից օր առաջ ազատվելու հնարավորությունը՝ այդ կերպ երաշխավորելով ինչպես ձեր կյանքն ու առողջությունը, այնպես էլ օրենքի հետ խնդիրներ ունենալու անխուսափելի հատուցումը։