ԿԱՅՔԻ ՔԱՐՏԵԶ
ԹԵԺ ԳԻԾ
08.12.2018 12:15
Հայաստանի Հանրապետության արդարադատության նախարարության քրեակատարողական ծառայության պետի գլխավորած պատվիրակության այցելությունը ԱՀ ոստիկանության քրեակատարողական վարչություն
Օրերս, Հայաստանի Հանրապետության արդարադատության նախարարության քրեակատարողական ծառայության պետ, արդարադատության գնդապետ Արտյոմ Մխոյանի գլխավորությամբ Արցախի Հանրապետություն ժամանած պատվիրակությունը, սույն թվականի դեկտեմբերի 7-ին Արցախի Հանրապետության ոստիկանության պետ, ոստիկանության գնդապետ Իգոր Գրիգորյանի ուղեկցությամբ այցելեց ԱՀ ոստիկանության քրեակատարողական վարչություն։ Քրեակատարողական վարչության քրեակատարողական հիմնարկում հանդիպելով դատապարտյալների հետ, հյուրերը ծանոթացան նրանց պահման պայմաններին։ Համեմատականներ անցկացնելով Հայաստանի Հանրապետության քրեակատարողական հիմնարկների միջև, Հայաստանի Հանրապետության Արդարադատության նախարարության քրեակատարողական վարչության պետը գոհունակություն արտահայտեց Արցախի Հանրապետության ոստիկանության քրեակատարողական վարչության քրեակատարողական հիմնարկում իրականացված բարեփոխումներից և ոստիկանության պետի հետ քննարկման ենթարկեց դատապարտյալների պահման վերաբերյալ մի շարք առանցքային հարցեր։
Վերջում հյուրերը Արցախի Հանրապետության ոստիկանության քրեակատարողական վարչությանը նվիրեցին խաչապատկերով հուշանվեր։
Նույն օրը Արցախի Հանրապետության ոստիկանության պետը ընդունեց Հայաստանի Հանրապետության արդարադատության նախարարության քրեակատարողական ծառայության պետի գլխավորած պատվիրակությանը։ Համագործակցության շրջանակներում ծառայության արդյունավետության էլ ավելի բարձրացման ուղղությամբ մտքերի փոխանակումներից հետո, ոստիկանության պետը Հայաստանի Հանրապետության արդարադատության նախարարության և Արցախի Հանրապետության ոստիկանության միջև սերտ համագործակցության համար քրեակատարողական ծառայության պետ, արդարադատության գնդապետ Արտյոմ Մխոյանին և նրա տեղակալներ, արդարադատության գնդապետներ՝ Հայկ Քոչինյանին և Վարդգես Ծաղիկյանին պարևատրեց «Համագործակցության ամրապնդման համար» մեդալով։
Վերջում Արցախի Հանրապետության ոստիկանության պետը և Հայաստանի Հանրապետության արդարադատության նախարարության քրեակատարողական ծառայության պետը փոխանակվեցին խորհրդանշական նվերներով։
