ԿԱՅՔԻ ՔԱՐՏԵԶ
ԹԵԺ ԳԻԾ
08.02.2020 10:56
Հաղորդալարի կտրված ծայրը դիպչել է աչքին
Փետրվարի 7-ին Բերձոր քաղաքի բուժմիավորումից՝ ԱՀ ոստիկանության Քաշաթաղի շրջանային բաժին հաղորդում է ստացվել առ այն, որ նույն օրը ժամը 10:40-ին «Ձախ աչքի թափանցող օտար մարմին» ախտորոշմամբ բուժմիավորում է դիմել Քաշաթաղի շրջանի Բերձոր քաղաքի բնակիչ, 1982թ. ծնված Գ. Օ.-ն։
ԱՀ ոստիկանության ծառայողը պարզել է, որ Գ. Օ.-ն վնասվածքը ստացել է նույն օրը ժամը 10:00-ի սահմաններում Բերձոր քաղաքի 3-րդ թաղամասում «Արցախէներգո» ՓԲԸ Քաշաթաղի մասնաճյուղի կողմից իրականացվող աշխատանքների ժամանակ հաղորդալարի կտրված ծայրը անզգուշությամբ ձախ աչքին դիպչելու հետևանքով։
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: