ԿԱՅՔԻ ՔԱՐՏԵԶ
ԹԵԺ ԳԻԾ
08.01.2021 11:31
Կորցրած քարտից կանխիկացվել են գումարներ
Դեկտեմբերի 30֊ին ԱՀ ոստիկանության ծառայողը զեկուցագիր է ներկայացրել ԱՀ ոստիկանության Ստեփանակերտ քաղաքի վարչություն այն մասին, որ նոյեմբերի 24-ին Ստեփանակերտ քաղաքի բնակչուհի, 1995թ.ծնված Ն. Ե.-ն հայտնել է, որ անհայտ հանգամանքներում կորցրել է իր հանգուցյալ եղբայր՝ Է. Ե.-ին պատկանող «Արցախբանկ» ՓԲ ընկերության պլաստիկ բանկային քարտը, որի մեջ առկա էր 78.000 դրամ գումար։ Բանկին կատարված հարցման արդյունքում պարզվել է, որ նշված գումարը կանխիկացվել է ՀՀ տարածքում տարբեր բանկոմատներից։ Կից ներկայացված է նաև բանկի կողմից տրված քաղվածքը, որի մեջ նշված է բանկոմատների հասցեները և գումարի կանխիկացման օրն ու ժամը։
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: