ԿԱՅՔԻ ՔԱՐՏԵԶ
ԹԵԺ ԳԻԾ
09.06.2017 16:47
Կասկածանքով բերման ենթարկվածը խոստովանել է, որ գողությունը կատարել է ինքը
Հունիսի 8-ին ժամը 14:00-ին ՌԴ Կիսլովոդսկ քաղաքի Կիևյան փողոցի N տան բնակիչ 1980թ. ծնված Վ. Ի-ն ոստիկանության Ստեփանակերտ քաղաքի վարչություն է դիմել այն մասին, որ հունիսի 4-ին Ստեփանակերտ քաղաքի բնակիչ Ա. Ա-ն, ՀՀ Երևան քաղաքի Մալաթիա թաղամասում տեղակայված հյուրանոցներից մեկում իր պայուսակից, գաղտնի հափշտակել է 1 ոսկյա մատանի, 5 000 ԱՄՆ դոլլար և 70.000 ռուբլի: ԼՂՀ ոստիկանության ՔՀՎ, ոստիկանության Մարտունու շրջբաժնի, ՀՀ Երևան քաղաքի ոստիկանության վարչության և նույն վարչության Մալաթիայի բաժնի ծառայողների համատեղ ձեռնարկված օպերատիվ միջոցառումների արդյունքում, նշված գողությունը կատարելու կասկածանքով ոստիկանության Ստեփանակերտ քաղաքի վարչություն բերման է ենթարկվել Հեքիմյան փողոցի թիվ 8 շենքի N բնակարանի բնակիչ 1990թ. ծնված Ա.Ա-ն, ով խոստովանել է, որ նշված գողությունը կատարել է ինքը:
Գողոնը մասամբ առգրավված է: