ԿԱՅՔԻ ՔԱՐՏԵԶ
ԹԵԺ ԳԻԾ
04.07.2020 13:53
Կանեփանման բույսի թփեր են հայտնաբերվել
Հուլիսի 3-ին ժամը 10:20-ի սահմաններում, ԱՀ ոստիկանության ծառայողները զննության են ենթարկել Մարտունի քաղաքի բնակիչ, 1970թ.ծնված Մ. Ա.-ին առանձնատան կից հողամասը, որտեղից հայտնաբերվել է վերջինիս կողմից ցանված և աճեցված կանեփանման բույսի 2 թուփ:
Ստուգմամբ զբաղվում է ԱՀ ոստիկանության Մարտունու շրջանային բաժինը:
Հուլիսի 3-ին ԱՀ ոստիկանության ծառայողները մշակումն արգելված թմրանյութեր պարունակող բույսեր ցանելու և աճեցնելու կասկածանքով, զննության են ենթարկել Հադրութ քաղաքի բնակիչ, 1956թ.ծնված Վ. Բ.-ին պատկանող առանձնատան բանջարանոցը, որտեղ հայտնաբերվել և առգրավվել է ցանված և աճեցված կանեփանման բույսի 1թուփ:
Ստուգմամբ զբաղվում է ԱՀ ոստիկանության Հադրութի շրջանային բաժինը:
Հուլիսի 3-ին ժամը 19:30-ի սահմաններում, ԱՀ ոստիկանության ծառայողները մշակումն արգելված թմրանյութեր պարունակող բույսեր ցանելու և աճեցնելու կասկածանքով զննության են ենթարկել Հադրութի շրջանի բնակիչ,1960թ.ծնված Կ. Բ.-ին պատկանող առանձնատան դիմացի բանջարանոցը, որտեղ հայտնաբերվել է վերջինիս կողմից ցանված և մշակված կանեփանման 2 բույս:
Ստուգմամբ զբաղվում է ԱՀ ոստիկանության Հադրութի շրջանային բաժինը: