ԿԱՅՔԻ ՔԱՐՏԵԶ
ԹԵԺ ԳԻԾ
27.04.2018 16:43
Խորհրդակցություն Արցախի Հանրապետության ոստիկանությունում
Արցախի Հանրապետության ոստիկանության պետ, գեներալ-մայոր Կամո Աղաջանյանի կողմից հաստատված 2018թ 1-ին կիսամյակում անցկացվելիք օպերատիվ խորհրդակցությունների պլանի համաձայն՝ ԱՀ ոստիկանության պետի տեղակալ, ոստիկանության գնդապետ Գագիկ Ղահրամանյանը սույն թվականի ապրիլի 27-ին օպերատիվ խորհրդակցություն անցկացրեց հասարակական կարգի ապահովման բաժնի պրոֆիլակտիկայի բաժին-բաժանմունքների ծառայողների հետ։
Խորհրդակցության օրակարգում ընդգրկված էին. «Նախկինում դատված անձանց կողմից կատարված հանցագործությունների ուղղությամբ տարվող, ինչպես նաև թույլտվության համակարգի կողմից քաղաքացիների զենքերի գրանցման և վերագրանցման ուղղությամբ ԱՀ ոստիկանության հասարակական կարգի ապահովման բաժնի պրոֆիլակտիկայի բաժին-բաժանմունքների կողմից կատարված աշխատանքների դրվածքի» վերաբերյալ հարցերը։
Օրակարգի 1-ին հարցով զեկույց ունեցավ ԱՀ ոստիկանության հասարակական կարգի ապահովման բաժնի պետ, ոստիկանության փոխգնդապետ Գագիկ Հարությունյանը, ով հիմնականում կանգ առավ նախկինում դատված անձանց կողմից կատարված հանցագործությունների մանրակրկիտ վերլուծությանը։
Թույլտվության համակարգի կողմից քաղաքացիների զենքերի գրանցման և վերագրանցման շարժի և առաջացող հարցերի վերաբերյալ զեկույցը ներկայացրեց ԱՀ ոստիկանության ՀԿԱԲ թույլտվության համակարգի ավագ տեսուչ, ոստիկանության լեյտենանտ Մարատ Պետրոսյանը:
Ընդհանրացնելով խորդհրդակցության արդյունքները՝ ոստիկանության պետի տեղակալ, ոստիկանության գնդապետ Գագիկ Ղահրամանյանը տարածքային ստորաբաժանումների պրոֆիլակտիկայի բաժին-բաժանմունքների ծառայողներին հանձնարարեց առավել ակտիվացնել նախկինում դատված անձանց կողմից հանցագործությունների կանխարգելման աշխատանքները և բոլոր պայմանները ստեղծել քաղաքացիների զենքերի գրանցման և վերագրանցման գործընթացում քաղաքացիների պատշաճ սպասարկումն ապահովելու համար։
