ԿԱՅՔԻ ՔԱՐՏԵԶ
ԹԵԺ ԳԻԾ
01.06.2020 12:20
Խոշոր եղջերավոր անասուններ են հափշտակել
Մայիսի 30-ին ԱՀ ոստիկանության հերթապահ մասից հաղորդել են ԱՀ ոստիկանության Քաշաթաղի շրջանային բաժին այն մասին, որ ՀՀ Սյունիքի մարզի բնակիչ, 1968թ.ծնված Շ. Դ.-ն հեռախոսով հայտնել է, որ կորել են իրեն պատկանող երկու գլուխ խոշոր եղջերավոր անասունները:
ԱՀ ոստիկանության ծառայողները պարզել են, որ մայիսի 29-ին, ժամը 23:30-ի սահմաններում Աղաձոր համայնքի վարչական տարածքում տեղակայված Շ. Դ.-ին պատկանող անասնաֆերմայից, վերջինիս անչափահաս որդին՝ 2005թ.ծնված Գ. Դ.-ն, նույն շրջանի բնակիչ, 1999թ. ծնված Շ. Ի.-ի հետ միասին գաղտնի հափշտակել են Շ. Դ.-ին պատկանող 3 գլուխ խոշոր եղջերավոր անասունները, որոնք վերջինիս պատկանող «Գազ-53» մակնիշի բեռնատար ավտոմեքենայով տեղափոխել են Ծաղկաբերդ գյուղ և 220.000 ՀՀ դրամ գումարով վաճառել նույն շրջանի բնակիչ, 1990թ. ծնված Ա. Վ.-ին ։
Գողոնը հայտնաբերվել է։
Վնասի չափը պարզվում է։
Պարզվել է նաև, որ Գ. Դ.-ն մայիս ամսվա սկզբներին, ժամը 18:00-ի սահմաններում Աղաձոր համայնքի վարչական տարածքում տեղակայված իր հոր՝ Շ. Դ.-ին պատկանող անասնաֆերմայից գաղտնի հափշտակել է վերջինիս պատկանող 1 գլուխ հորթը, որը նույն օրը տեղափոխելով Աղաձոր գյուղ, 40.000 ՀՀ դրամով վաճառել է նույն շրջանի բնակիչ,1963թ.ծնված Ս. Զ.-ին ։
Գողոնը հայտնաբերվել է։
Վնասի չափը պարզվում է։
Ստուգումներով զբաղվում է ԱՀ ոստիկանության Քաշաթաղի շրջանային բաժինը։