ԿԱՅՔԻ ՔԱՐՏԵԶ
ԹԵԺ ԳԻԾ
30.03.2020 11:45
Խարդախության դեպք է գրանցվել
Մարտի 28-ին Ստեփանակերտ քաղաքի դատախազությունից ԱՀ ոստիկանության Ստեփանակերտ քաղաքի վարչություն է մուտքագրվել ՀՀ Երևան քաղաքի Դավթաշեն 2-րդ թաղամասի բնակիչ, Ա. Ի.-ի, վերջինիս մոր, Ասկերանի շրջանի բնակչուհի, Ա. Ա.-ի և փաստաբանների պալատի փաստաբան Կ. Բ.-ի համատեղ դիմումն, ինչպես նաև նշված դիմումին ի լրումն ներկայացված Ա. Ի.-ի դիմումն այն մասին, որ Ա. Ա.-ի մյուս որդին` Շ. Ի.-ն ու վերջինիս դուստրը` Լ. Ի.-ն օգտվելով Ա. Ա.-ի մեծահասակ լինելու հանգամանքից, խարդախությամբ, խաբեությամբ իբր դատախազության կանչով նրան ուղեկցելու պատրվակով տեղափոխել են անհայտ շինություն, որտեղ ինքնությունն անհայտ անձի հետ միասին որոշակի փաստաթղթեր են ներկայացրել Ա. Ա.-ի ստորագրմանը, որոնք վերջինս ստորագրել է: Ըստ Ա. Ի.-ի դիմումի` այդ փաստաթղթերը հետագայում, իր մոր մահից հետո, օգտագործվելու են Ասկերանի շրջանի Խաչեն համայնքում գտնվող տան նկատմամբ իր սեփականության իրավունքը վիճարկելու նպատակով:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: