ԿԱՅՔԻ ՔԱՐՏԵԶ
ԹԵԺ ԳԻԾ
23.07.2020 12:27
Խախտումներ՝ Մարտուու շրջանում
Հուլիսի 22-ին ԱՀ ոստիկանության ծառայողը զեկուցագիր է ներկայացրել ԱՀ ոստիկանության Մարտունու շրջանային բաժին այն մասին, որ Մարտունի քաղաքի բնակիչ, 1988թ.ծնված Հ. Մ.-ի ներկայացրած դիմումի ստուգմամբ պարզվել է, որ Հ. Մ.-ն 2009թ. Մարտունի քաղաքի Ազատամարտիկների փողոցի ավտոկայանի դիմացի հատվածից գնել է 20 ք/մ հողամաս, որին կից գտնվում է Մարտունի քաղաքի բնակիչ, 1977թ.ծնված Կ. Դ.-ին պատկանող հողամասը։ 2017թ. Մարտունու քաղաքապետարանից ստանալով թույլտվություն նշված տարածքին կից ազատ հողամասում կառուցել է խորովածանոց: Այնուհետև 2020թ.հունիս ամսին տեղեկացել է, որ իր հողամասից մոտ 1.3-ից 1.5 ք/մ հողամասը առանց իր իմացության կցվել է Կ. Դ.-ի հողամասին:
Պարզվել է նաև, որ 2009թ. նոյեմբերի 17-ին Հ. Մ.-ին նշված հողամասը տրամադրվել է ուղղակի առուվաճառքի հիման վրա առանց մրցույթի և աճուրդի ու նշված խորովածանոցը Հ. Մ.-ն կառուցել է ոչ թէ իրեն տրամադրած հողամասի վրա այլ նշված հողամասից դուրս:
Ստուգմամբ զբաղվում է ԱՀ ոստիկանության Մարտունու շրջանային բաժինը: