ԿԱՅՔԻ ՔԱՐՏԵԶ
ԹԵԺ ԳԻԾ
22.08.2020 13:00
Իրենց կամքից անկախ հանգամանքներում հանցանքն ավարտին չեն հասցրել
Օգոստոսի 21-ին Քաշաթաղի շրջանի բնակչուհի,1967թ.ծնված Ա. Բ.-ն հեռախոսով հաղորդել է ԱՀ ոստիկանության Քաշաթաղի շրջանային բաժին այն մասին, որ երեք անծանոթ քաղաքացի մտել են գյուղում գտնվող իրենց պատկանող անասնագոմ:
Ստուգմամբ պարզվել է, որ նույն օրը երեք անհայտ անձ մուտք են գործել Ա. Բ.-ին պատկանող անասնագոմին կից անասունների համար նախատեսված ցանկապատված տարածք, սակայն նկատելով վերջինիս և նրա ամուսնուն՝ 1956թ.ծնված Հ. Հ.-ին դիմել են փախուստի, սակայն վերջիններս հետապնդել և բռնել են փախուստի դիմած անձանցից մեկին, ով էլ պարզվել է, որ հանդիսանում է ՀՀ Արարատի մարզի բնակիչ, 1968թ.ծնված Վ. Ղ.-ն :
Ստուգմամբ պարզվել է, որ նույն օրը ժամը 06:00-ի սահմաններում Վ. Ղ.-ն, Երևան քաղաքի բնակիչներ՝ 1984թ.ծնված Ս. Հ.-ն և 1977թ.ծնված Ռ. Գ.-ն վերջինիս կողմից վարվող «Ֆորդ տրանզիտ» մակնիշի ավտոմեքենայով ներկայացել են Գրհամ Ա. Բ.-ին պատկանող անասնագոմին կից ցանկապատված տարածք, ապօրինի մուտք գործել այնտեղ և փորձել գաղտնի հափշտակել Ա. Բ.-ին պատկանող մեկ գլուխ կովը, սակայն իրենց կամքից անկախ հանգամանքներում հանցանքն ավարտին չեն հասցրել:
ՀՀ ոստիկանության Սյունիքի ոստիկանության մարզային վարչության Գորիսի բաժնի ծառայողների հետ համատեղ ձեռնարկված օպերատիվ հետախուզական միջոցառումների արդյունքում Ս. Հ.-ն և Ռ. Գ.-ն հայտնաբերվել են Գորիս քաղաքում:
Նշված անձինք բերման է ենթարկվել ոստիկանության շրջանային բաժին:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: