ԿԱՅՔԻ ՔԱՐՏԵԶ
ԹԵԺ ԳԻԾ
21.12.2020 10:10
Ինքնաձիգով կրակահերթ է արձակել
Դեկտեմբերի 20-ին ԱՀ ոստիկանության Ասկերանի շրջանային բաժնի ծառայողը զեկուցագիր է ներկայացրել այն մասին, որ նույն օրը ժամը 01:00-ի սահմաններում Ասկերան քաղաքի Ն. Ստեփանյան փողոցում գտնվելով վերակարգի մեջ, նկատել է որ Դանիելյան փողոցից դեպի Ն. Ստեփանյան փողոց արագությամբ երթևեկող «Օպել Կորսա» մակնիշի ավտոմեքենան բախվել է ճամփեզրի գազատար խողովակի սյանը և պատին, որից հետո վարորդ` Ասկերան քաղաքի բնակիչ, 1987թ.ծնված Մ. Հ.-ն իջնելով ավտոմեքենայից իր մոտ ապօրինի պահվող «ԱԿՄՍ» տիպի ինքնաձիգով կրակահերթեր է արձակել Դանիելյան փողոցի ուղությամբ, այնուհետև շարունակելով կրակ վարել դեպքի վայր մոտեցած ոստիկանության ծառայողների ուղղությամբ դիմել է փախուստի:
Սթափության ստուգման արդյունքում պարզվել է, որ Մ. Հ.-ն գտնվում է անսթափ վիճակում:
Մ. Հ.-ն բերման է ենթարկվել ԱՀ ոստիկանության Ասկերանի շրջանային բաժին: Նշված ինքնաձիգը առգրավված է:
Ստուգմամբ զբաղվում է ԱՀ քննչական կոմիտեն: