ԿԱՅՔԻ ՔԱՐՏԵԶ
ԹԵԺ ԳԻԾ
11.05.2020 13:33
Ժայռաբեկորները թափվել են էքսկավատորի վրա.վարորդը մահացել է
Մայիսի 8-ին անհայտ քաղաքացուց ահազանգ է ստացվել ԱՀ ոստիկանության Քաշաթաղի շրջանային այն մասին, որ Սպիտակաջուր գյուղի հարակից տարածքում մարդ է մահացել:
ԱՀ ոստիկանության ծառայողը պարզել է, որ նույն օրը ժամը 18:30-ի սահմաններում Սպիտակաջուր գյուղի հարակից տարածքում «Մետաղ Կայմ» ՍՊԸ կողմից ճանապարհաշինարարական աշխատանքներ կատարելու ընթացքում ճանապարհի ձախ մասում առկա սարալանջի ժայռաբեկորները թափվել են տեղում աշխատանքներ կատարող նշված ընկերությանը պատկանող «KATARPILLER 336D» մակնիշի էքսկավատորի վրա, ինչի հետևանքով էքսկավատորավար ՀՀ Լոռու մարզի բնակիչ, 1981թ. ծնված Յ. Բ.-ն ստացված մարմնական վնասվածքներից մահացել է:
Դիակի արտաքին զննությամբ գլխի շրջանում առկա են եղել վնասվածքներ:
Նշանակվել է դիակի դատաբժշկական փորձաքննություն:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: