ԿԱՅՔԻ ՔԱՐՏԵԶ
ԹԵԺ ԳԻԾ
02.03.2018 12:20
Թունավորումներ՝ շմոլ գազի և ալկոհոլի հետևանքով
Մարտի 1-ին «Հանրապետական բժշկական կենտրոն» ՓԲԸ-ից հաղորդում է ստացվել Ստեփանակերտի քաղաքային վարչություն այն մասին, որ նույն օրը շմոլ գազի թունավորումով իրենց մոտ են ընդունվել Ստեփանակերտ քաղաքի բնակիչ՝ 1990թ. ծնված Ա.Ս-ն և Մարտունի քաղաքի բնակիչ՝ 1999թ. ծնված Տ.Մ-ն:
Պարզվել է, որ նույն օրը ժամը 18:30-ի սահմաններում Ա.Ս-ն և Տ.Մ-ն թունավորվել են Ազատամարտիկների փողոցի N շենքի 6-րդ բնակարանի խոհանոցում տեղադրված գազի ջրատաքացուցիչից արտանետված շմոլ գազից:
* * *
Մարտի 1-ին «Արևիկ» մանկական բուժմիավորում ՓԲԸ-ից հաղորդում է ստացվել այն մասին, որ նույն օրը ալկոհոլային թունավորում ախտորոշմամբ իրենց մոտ է ընդունվել Ստեփանակերտ քաղաքի բնակիչ՝ 2003թ. ծնված Ա.Զ-ն:
Պարզվել է, որ Ա.Զ-ն նույն օրը ժամը 20:00-ի սահմաններում հյուրընկալվելով Մ.Փաշաևի փողոցի N տանը՝ թունավորվել է ալկոհոլային խմիչքներ օգտագործելու հետևանքով:
* * *
Մարտի 1-ին Ստեփանակերտի քաղաքային վարչությունից հաղորդում է ստացվել ոստիկանության Մարտունու շրջանային բաժին այն մասին, որ նույն օրը շմոլ գազի թունավորումով «Հանրապետական բժշկական կենտրոն» ՓԲԸ է ընդունվել Մարտունու շրջանի Կարմիր Շուկա գյուղի բնակիչ՝ 1988թ. ծնված Ա.Վ-ն:
Պարզվել է, որ Ա.Վ-ն թունավորվել է նույն օրը ժամը 16:00-ի սահմաններում լոգանք ընդունելու ժամանակ՝ բաղնիքում տեղադրված ջրատաքացուցիչից արտանետված շմոլ գազից: