ԿԱՅՔԻ ՔԱՐՏԵԶ
ԹԵԺ ԳԻԾ
15.01.2019 16:20
Թունավորումներ՝ գազի ջրատաքացուցիչից արտանետված շմոլ գազից
Ս.թ. հունվարի 14-ին ժամը 21:00-ի սահմաններում բնակարանի խոհանոցում տեղադրված գազի ջրատաքացուցիչից արտանետված շմոլ գազից թունավորվել են Ստեփանակերտ քաղաքի Սարոյան փողոցի թիվ 6 շենքի բնակիչներ՝ 1995թ.ծնված Ա. Բ-ն, 1991թ.ծնված Հ. Ք-ն, 2002թ.ծնված Օ. Ք-ն և 1965թ.ծնված Ա. Ք-ն:
Ս.թ. հունվարի 14-ին ժամը 21:30-ի սահմաններում Ստեփանակերտ քաղաքի Հեքիմյան փողոցում տեղակայված «Օջախ» խորովածանոցի խոհանոցում տեղադրված գազի ջրատաքացուցիչից արտանետված շմոլ գազից թունավորվել են Մարտունի քաղաքի բնակիչներ, 1981թ.ծնված Ն. Ղ-ն և 2001թ. ծնված Ք. Ս-ն:
Թունավորման հետևանքով վերջիններս տեղափոխվել են բուժհաստատություններ։
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Ս.թ. հունվարի 14-ին ժամը 21:50-ի սահմաններում, բնակարանի խոհանոցում տեղադրված գազի ջրատաքացուցիչից արտանետված շմոլ գազից թունավորվել են Շուշի քաղաքի բնակիչներ՝ 1971թ.ծնված Ա. Ղ-ն,1970թ.ծնված Ա. Է-ն և 1994թ.ծնված Է. Է-ն։
Ս.թ.հունվարի 13-ին ժամը 16:00-ի սահմաններում բնակարանի խոհանոցում տեղադրված գազի ջրատաքացուցիչից արտանետված շմոլ գազից թունավորվել են Շուշի քաղաքի բնակիչներ՝1983թ.ծնված Ա.Գ-ն, 1959թ.ծնված Է.Խ-ն և Ստեփանակերտ քաղաքի բնակչուհի, 1985թ.ծնված Մ.Վ-ն։
Թունավորման հետևանքով վերջիններս տեղափոխվել են բուժհաստատություններ։
Ստուգմամբ զբաղվում է ԱՀ ոստիկանության Շուշիի շրջանային բաժինը:
Հ.Գ
Մեր քաղաքացիներին հորդորում ենք առավել զգոնություն ցուցաբերել և գազի արտանետման յուրաքանչյուր կասկածի դեպքում դիմել կամ 9-11ծառայություն կամ 1-02։
ԱՀ ոստիկանությունն իր հերթին ՝համապատասխան կառույցների հետ մեկտեղ ակտիվացրել է այդ ուղղությամբ իրականացվող բացատրական աշխատանքները։
