ԿԱՅՔԻ ՔԱՐՏԵԶ
ԹԵԺ ԳԻԾ
16.09.2020 11:53
Թմրանյութի նմանվող զանգված և կանեփանման բույսի թփեր են հայտնաբերվել
Սեպտեմբերի 15-ին ժամը 21:00-ի սահմաններում ԱՀ ոստիկանության ծառայողները թմրանյութ պահելու կասկածանքով Մ. Մաշտոց փողոցի թիվ 5ա շենքի բակից ոստիկանության քաղաքային վարչություն բերման է ենթարկվել մայրաքաղաքի բնակիչ,1986թ.ծնված Գ. Ս.-ին ում անձնական խուզարկության ժամանակ կիսատաբատի առջևի գրպանից հայտնաբերվել է թղթե փաթեթ, որի մեջ առկա էր 0.59 գրամ քաշով կանաչ գույնի չորացված և մանրացված թմրանյութի նմանվող զանգված:
Գ. Ս.-ն բերման է ենթարկվել ԱՀ ոստիկանության Ստեփանակերտ քաղաքի վարչություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Սեպտեմբերի 15-ին ԱՀ ոստիկանության Քաշաթաղի շրջանային բաժնի Միջնավանի բաժանմունքի ծառայողը զեկուցագիր է ներկայացրել այն մասին, որ ստացված օպերատիվ տեղեկություններն իրացնելիս, նույն օրը ժամը 12:00-ի սահմաններում, մշակումն արգելված թմրանյութեր պարունակող բույսեր ցանելու և աճեցնելու կասկածանքով զննության է ենթարկվել Քաշաթաղի շրջանի բնակիչ,1992թ.ծնված Շ. Շ.-ին պատկանող առանձնատան կից հողամասը, որտեղ հայտնաբերվել է վերջինիս կողմից ապօրինի ցանված և մշակված կանեփանման բույսի 3 թուփ:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը:
Սեպտեմբերի 15-ին ԱՀ ոստիկանության Քաշաթաղի շրջանային բաժնի ծառայողը զեկուցագիր է ներկայացրել այն մասին, որ ստացված օպերատիվ տեղեկություններն իրացնելիս, նույն օրը ժամը 13:00-ի սահմաններում, մշակումն արգելված թմրանյութեր պարունակող բույսեր ցանելու և աճեցնելու կասկածանքով զննության է ենթարկվել Քաշաթաղի շրջանի բնակիչ, 1984թ.ծնված Գ. Գ.-ին պատկանող առանձնատան կից հողամասը, որտեղ հայտնաբերվել է վերջինիս կողմից ապօրինի ցանված և մշակված կանեփանման բույսի 2 թուփ:
Ստուգմամբ զբաղվում է ԱՀ ոստիկանության Քաշաթաղի շրջանային բաժինը:
