ԿԱՅՔԻ ՔԱՐՏԵԶ
ԹԵԺ ԳԻԾ
06.07.2020 17:09
Թմրանյութերի դեմ պայքարը շարունակվում է
Հուլիսի 4-ին ժամը 11:50-ին, ԱՀ ոստիկանության Ստեփանակերտ քաղաքի վարչության ծառայողները՝ քրեական հետախուզության վարչության ծառայողների և Ասկերանի շրջանային բաժնի ծառայողների հետ համատեղ թմրանյութ պահելու և աճեցնելու կասկածանքով Ասկերան քաղաքի Առաքելյան փողոցում Ասկերան քաղաքի բնակիչ,1969թ.ծնված Ա. Մ.-ի ում կիսատաբատի գրպանում հայտնաբերել են թվով 1 թղթյա փաթեթ, որի մեջ առկա էր 0.53 գրամ քաշով չորացված և մանրացված կանաչ գույնի կանեփանման բույսի զանգված, իսկ վերջինիս տան հյուրասենյակի պահարանի վրա առկա ապակյա ամանի մեջ հայտաբերվել է թվով 25 հատ սերմեր, իսկ խոհանոցում պլաստմասե 7 հատ տարանների մեջ հայտնաբերվել է 9 հատ ցանած կանեփանման բույսի սածիլներ:
Ա. Մ.-ն բերման է ենթարկվել ԱՀ ոստիկանության Ստեփանակերտ քաղաքի վարչություն:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Հուլիսի 4-ին ժամը 14:40-ին, ԱՀ ոստիկանության ծառայողները թմրանյութ պահելու կասկածանքով ԱՀ ոստիկանության Ստեփանակերտ քաղաքի վարչություն են բերման ենթարկել մայրաքաղաքի բնակիչ, 1980թ.ծնված Է. Չ.-ին, ում տաբատի գրպանից հայտնաբերվել է թվով 1 թղթյա փաթեթ, որի մեջ առկա էր 0.54 գրամ քաշով չորացված և մանրացված կանաչ գույնի կանեփանման բույսի զանգված:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Հուլիսի 4-ին ժամը 21:30-ի սահմաններում, ԱՀ ոստիկանության ծառայողները Ասկերանի շրջանի բնակիչ, 1974թ.ծնված Ա. Գ.-ին պատկանող նռան այգում, հայտնաբերել են վերջինիս կողմից ցանված և աճեցված կանեփանման բույսի 5 թուփ:
Ստուգմամբ զբաղվում է ԱՀ ոստիկանության Ասկերանի շրջանային բաժինը: