ԿԱՅՔԻ ՔԱՐՏԵԶ
ԹԵԺ ԳԻԾ
01.08.2019 13:03
ԹՄՐԱՆՄԻՋՈՑՆԵՐԻ ԱՊՕՐԻՆԻ ՇՐՋԱՆԱՌՈՒԹՅԱՆ ԴԵՄ ՊԱՅՔԱՐԸ ՇԱՐՈՒՆԱԿՎՈՒՄ Է
Ս.թ.հուլիսի 31-ին ԱՀ ոստիկանության Մարտունու շրջանային բաժնի ծառայողները Մարտունի քաղաքում, անձնական խուզարկության ենթարկելով նույն քաղաքի բնակիչ, 1987թ.ծնված Մ. Ս-ին,վերջինիս տաբատին ձախ գրպանում պլաստմասե տարայում հայտնաբերել են թղթե 7 փաթեթ 0.46 գ., 1.39գ., 0.98գ., 0.65գ., 0.43գ., 0.87գ. և 0.86գ. ընդհանուր 5.64գ. քաշով դեղնականաչավուն, մանրացված և չորացված թմրանյութի նմանվող զանգվածներ, իսկ Մարտունի քաղաքի Գ.Նժդեհ փողոցում գտնվող չմշակված այգում հայտնաբերվել է վերջինիս կողմից ցանված և մշակված կանեփանման բույսի նմանվող թվով 3 թուփ:
Ստուգմամբ զբաղվում է ԱՀ ոստիկանության Մարտունու շրջանային բաժինը:
Եվս մեկ անգամ հիշեցնում ենք օրենսդրությամբ սահմանված բացառիկ հնարավորության մասին՝ համաձայն որի, թմրամիջոցներ կամ հոգեմետ (հոգեներգործուն) նյութեր, դրանց պրեկուրսորներ, ինչպես նաև խիստ ներգործող կամ թունավոր նյութեր կամովին հանձնող անձն ազատվում է դրանք ապօրինի պատրաստելու, վերամշակելու, ձեռք բերելու, փոխադրելու կամ առաքելու համար նախատեսված քրեական պատասխանատվությունից։
Նմանատիպ բուսատեսակներ կամ նյութեր ապօրինի պահող անձանց առաջարկում ենք չհետաձել չարիքից օր առաջ ազատվելու հնարավորությունը՝ այդ կերպ երաշխավորելով ինչպես ձեր կյանքն ու առողջությունը, այնպես էլ օրենքի հետ խնդիրներ ունենալու անխուսափելի հատուցումը։