ԿԱՅՔԻ ՔԱՐՏԵԶ
ԹԵԺ ԳԻԾ
27.02.2020 11:02
Թմրամիջոցների դեմ պայքարը շարունակվում է
Փետրվարի 26-ին ժամը 10:30-ի սահմաններում ԱՀ ոստիկանության ծառայողները ապօրինի թմրանյութ պահելու կասկածանքով Մարտակերտ քաղաքի Աբովյան փողոցում զննության են ենթարկել Մարտակերտ քաղաքի բնակիչ, 1988թ. ծնված Հ. Ս.-ին պատկանող «ՎԱԶ 2110» մակնիշի ավտոմեքենան, որի առջևի նստատեղերի արանքից պոլիէթիլենային փաթեթի մեջ հայտնաբերվել է 2.38 գրամ կանաչ գույնի մանրացված և չորացված սպեցիֆիկ հոտով թմրանյութի նմանվող զանգված, իսկ վերջինիս առանձնատան նկուղի զննությամբ՝ ապակե տարայի մեջ հայտնաբերվել է 8.68 գրամ նույնանման զանգված:
Հայտնաբերված զանգվածների ընդհանուր քաշը կազմում է 11,06 գրամ:
Հ. Ս.-ն բերման է ենթարկվել ԱՀ ոստիկանության Մարտակերտի շրջանային բաժին:
Ստուգմամբ զբաղվում է ԱՀ ոստիկանության Մարտակերտի շրջանային բաժինը: