ԿԱՅՔԻ ՔԱՐՏԵԶ
ԹԵԺ ԳԻԾ
14.01.2020 11:39
Թմրամիջոցների դեմ պայքարը շարունակվում է
Հունվարի 13-ին ժամը 12:30-ի սահմաններում ԱՀ ոստիկանության քրեական հետախուզության վարչության ծառայողները՝ ԱՀ ոստիկանության Մարտունու շրջանային բաժնի ծառայողների հետ համատեղ, զննության են ենթարկել Մարտունու շրջանի Ճարտար քաղաքի բնակիչ, 1974թ. ծնված Լ. Պ.-ին պատկանող «Լուազ» մակնիշի ավտոմեքենան, որի վարորդի նստատեղից հայտնաբերվել է կանեփանման բույսի երկու սերմ, իսկ առաստաղի վրա առկա լուսարձակի տակից՝ 0,74 գրամ քաշով կանաչ գույնի սպեցիֆիկ հոտով մանրացված թմրանյութի նմանվող բուսական զանգված, իսկ առանձնատան առաջին հարկից պոլիէթիլենային պարկի մեջ 17,63 գրամ նույնանման զանգված և 0,380 գրամ կանեփանման բույսի չորացված ցողուն: Զննությամբ հայտնաբերվել է նաև մեկական ПК մոդելի գնդացիրի և ողորկափող երկփողանի հրացանի փողեր:
Զանգվածների ընդհանուր քաշը կազմում է 18,37 գրամ:
Ստուգմամբ զբաղվում է ԱՀ ոստիկանության քրեական հետախուզության վարչությունը: