ԿԱՅՔԻ ՔԱՐՏԵԶ
ԹԵԺ ԳԻԾ
19.09.2016 15:52
Թմրամիջոցներ ապօրինի պահելը և իրացնելը
Սեպտեմբերի 17-ին ԼՂՀ ոստիկանության ՔՀՎ, Ստեփանակերտի քաղվարչության և ԼՂՀ ԱԱԾ ծառայողների հետ համատեղ ձեռնարկված միջոցառումների արդյունքում զննության է ենթարկվել Ստեփանակերտ քաղաքի Թումանյան փողոցի N տան բնակիչ 1965թ. ծնված, նախկինում դատված Ռ. Ս-ին պատկանող «Ֆորդ Տրանզիտ» ավտոմեքենան, որի սրահում հայտնաբերվել է փաթեթավորված 10.33 գրամ ընդհանուր քաշով «Մարիխուանա» տեսակի թմրամիջոցին նմանվող զանգված, իսկ վերջինիս տան զննությամբ հայտնաբերվել է 250 գրամ տարողությամբ ապակյա տարա` լցված կանեփանման բույսի սերմերով:
Նույն օրը Ռ. Ս-ի հետ տարված աշխատանքների արդյունքում պարզվել է, որ վերջինս 69.26 գրամ նշված տեսակի թմրամիջոց է իրացրել նույն փողոցի N տան բնակիչ 1980թ. ծնված Ա. Դ-ին, իսկ 0.14 գրամ` Խուդյակով փողոցի N տան բնակիչ 1970թ Ա. Շ-ին:
Սեպտեմբերի 17-ին ոստիկանության Ստեփանակերտի քաղվարչության, ՔՀՎ և ԼՂՀ ԱԱԾ ծառայողների հետ համատեղ ձեռնարկված միջոցառումների արդյունքում պարզվել է, որ Թումանյան փողոցի N տան բնակիչ 1980թ. ծնված Ա. Դ-ն, Գ.Նժդեհի փողոցի թիվ 55 տան մոտ կայանված, անձնական օգտագործման «Վոլքսվագեն Պասսատ» ավտոմեքենայի սրահում փորձել է 69.26 գրամ «Մարիխուանա» տեսակի թմրամիջոցին նմանվող զանգված իրացնել Թումանյան փողոցի թիվ 71 շենքի N բնակարանի բնակիչ 1978թ. Դ.Հ-ին: Նշված անձինք բերման են ենթարկվել ոստիկանության Ստեփանակերտի քաղվարչություն:
Զննության է ենթարկվել նաև Ա.Դ-ի տունը, որի միջանցքի պահարանում հայտնաբերվել է 17.74 գրամ քաշով նմանատիպ զանգված: