ԿԱՅՔԻ ՔԱՐՏԵԶ
ԹԵԺ ԳԻԾ
11.02.2016 16:29
Զննությամբ հայտնաբերվել է թմրանյութ, զենք և զինամթերք
Փետրվարի 10-ին ԼՂՀ ոստիկանության և ԼՂՀ ազգային անվտանգության ծառայողները, Ստեփանակերտ քաղաքի Կամոյի 2-րդ նրբանցքի թիվ 3 շենքի N բնակարանի բնակիչ, 1965թ. ծնված Մ. Գ-ի տաբատի գրպանում զննությամբ հայտնաբերել են թմրանյութի նմանվող զանգվածի պարունակությամբ 2 գլանակ և 1.16 գրամ քաշով մուգ գույնի, սպեցիֆիկ հոտով թմրանյութի նմանվող փաթեթավորված զանգված, իսկ Կամոյի փողոցի N տան բնակիչ, 1961թ. ծնված Ռ. Ա-ի տան նկուղում և ավտոտնակում հայտնաբերվել է տարբեր տրամաչափի 726 փամփուշտ, ինքնաձիգի 9 պահեստատուփ, «Ֆ-1» տիպի 4 նռնակ, նռնակի 3 պայթուցիչ, 1 ծխագլանակ, կանեփանման բույսի 2 սերմ, տան շքամուտքում` 1 ինքնաշեն հրացան, 1 հատ սվին դանակ, հյուրասենյակում` «ԱԿ-74» տիպի 1 ինքնաձիգ և ինքնաձիգի խզակոթ:
Մ. Գ-ն և Ռ. Ա-ն բերման են ենթարկվել ոստիկանության քաղվարչություն: