ԿԱՅՔԻ ՔԱՐՏԵԶ
ԹԵԺ ԳԻԾ
27.02.2019 11:58
ԶԵՆՔ,ԶԻՆԱՄԹԵՐՔԻ ԿԱՄԱՎՈՐ ՀԱՆՁՆՈՒՄ
Ս.թ. փետրվարի 26-ին Ստեփանակերտ քաղաքի բնակիչ, 1989թ.ծնված Ա. Ա-ն ԱՀ ոստիկանության Ստեփանակերտ քաղաքի վարչություն կամովին հանձնել է մեկ միավոր «ԱԿՄՍ» տիպի ինքնաձիգ, մեկ միավոր «Շմայսեր» տիպի ինքնաձիգ և ինքնաձիգի 1 պահեստատուփ, որոնք գտել է Ստեփանակերտ քաղաքի Կրկժան կոչվող թաղամասի փլատակների տակից:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Փետրվարի 26-ին Մարտունու շրջանի բնակիչ, 1968թ.ծնված Կ. Ա-ն ԱՀ ոստիկանության Մարտունու շրջանային բաժին կամովին հանձնել է «ՏՕԶ» տիպի ակոսափող հրացան:
Ստուգմամբ զբաղվում է ԱՀ ոստիկանության Մարտունու շրջանային բաժինը:
Ս.թ. փետրվարի 26-ին Ստեփանակերտ քաղաքի բնակիչ, 1989թ.ծնված Հ. Բ-ն ԱՀ ոստիկանության քրեական հետախուզության վարչություն կամովին հանձնել է մեկ միավոր «Մոսին» տիպի հրացան, որը 2016թ. գտել է Մարտունու շրջանի տեղանքներից մեկում:
Ստուգմամբ զբաղվում է ԱՀ ոստիկանության քրեական հետախուզության վարչությունը:
Ս.թ. փետրվարի 26-ին Քարվաճառ քաղաքի բնակիչ, 1962թ.ծնված Մ. Մ-ն ԱՀ ոստիկանության Շահումյանի շրջանային բաժին կամովին հանձնել է մեկ միավոր որսորդական ողորկափող հրացան, «Ջ-1» տիպի 5 նռնակ, նռնակի 17 պայթուցիչ, հակատանկային ականի «MВЧ-62» տեսակի 2 պայթուցիչ և 224 փամփուշտ, որոնք նույն օրը հայտնաբերել է Քարվաճառ քաղաքի վարչական տարածքներից մեկի կիսաքանդ շինության ներսից:
Ստուգմամբ զբաղվում է ԱՀ ոստիկանության Շահումյանի շրջանային բաժինը: