ԿԱՅՔԻ ՔԱՐՏԵԶ
ԹԵԺ ԳԻԾ
28.07.2018 12:46
Երեք ինքնաձիգ, «ՏՕԶ», «Մոսին» և ռազմամթերք
Հուլիսի 26-ին ոստիկանության Ստեփանակերտի քաղաքային վարչության ծառայողների կողմից ստացված տեղեկությունների ստուգմամբ պարզվել է, որ Ստեփանակերտ քաղաքի բնակիչ 1968թ. ծնված Ա. Հ-ն, նույն օրը ժամը 18:00-ի սահմաններում, տան բակում տեղակայված ավտոտնակից վերցրել է ապօրինի պահվող «ՏՕԶ» տիպի ակոսափող հրացանը և Շահինյան փողոցի թիվ 42 տան մոտ կրակել ու սպանել իր կատաղած շանը:
Զննությամբ Ա. Հայրապետյանի տանը հայտնաբերվել է վերը նշված ակոսափող հրացանը:
Նույն վարչության ծառայողների կողմից Ա. Հ-ի շուրջ իրականացրած բացատրական աշխատանքների արդյունքում, վերջինս ոստիկանության Ստեփանակերտի քաղաքային վարչություն կամովին հանձնել է մեկական «ԱԿՄ», «ԱԿ-74», «ԱԿՄՍ» տիպի ինքնաձիգներ, 2 սվին դանակ, 2 հեռադիտակ, 18 հատ պահեստատուփ, 16 հատ տրոտիլ, 4 մետր դետոնացիոն լար, 1 հատ կապի միջոց, 5 հատ կապսուլ, «Ֆ-1» տիպի 3 նռնակ, 2 հատ նռնակի պայթուցիչ, 3 հատ էլեկտրոնային դետոնատոր, 1 ինքնաշեն հրացանի իրան, արագաչափ, 1 հատ ականազերծման սարք և տարբեր տրամաչափի 318 փամփուշտ:
* * *