ԿԱՅՔԻ ՔԱՐՏԵԶ
ԹԵԺ ԳԻԾ
12.09.2018 12:27
Դժբախտ պատահար
Սեպտեմբերի 11-ին ժամը 20:10-ին ոստիկանության Հադրութի շրջբաժնում ստացված հաղորդումը Հադրութի շրջբուժմիավորումից էր, առ այն, որ նույն օրը ժամը 19:50-ին մարմնական վնասվածքներով, այդ թվում բազմաթիվ մակերեսային կույր բեկորային վերքերով իրենց մոտ է տեղափոխվել Հադրութի շրջանի անչափահաս բնակիչ, 2005թ ծնված Ա.Բ-ն։
ԱՀ ոստիկանության Հադրութի շրջբաժնի ծառայողների կողմից իրականացված աշխատանքների արդյունքում պարզվել է, որ նույն օրը ժամը 18:30-ի սահմաններում Ա.Բ-ն նշված մարմնական վնասվածքները ստացել է իրենց տան դիմացի ճանապարհին գտած անծանոթ առարկային մուրճով հարվածելու հետևանքով առաջացած պայթյունից։
Հ.Գ.
Եվս մեկ անգամ հորդորում ենք մեր ազգաբնակչությանը իրենց, կամ իրենց իսկ երեխաների կողմից պայթուցիկներ կամ անհայտ ծագման պայթուցիկների նմանվող առարկաներ նկատելու դեպքում անմիջապես ահազանգել 911 հեռախոսահամարով՝ արտակարգ իրավիճակների պետական ծառայություն, կամ՝ 1-02 հեռախոսահամարով՝ ոստիկանության տարածքային ստորաբաժանում։
Խնդրում ենք ուշադիր լինել Ձեր երեխաների նկատմամբ և չվտանգել նրանց կյանքն ու առողջությունը։