ԿԱՅՔԻ ՔԱՐՏԵԶ
ԹԵԺ ԳԻԾ
15.08.2014 14:19
Գրավադրված զարդերն ամենևին էլ ոսկյա չէին
Օգոստոսի 14-ին ոստիկանության Ստեփանակերտի քաղվարչություն մուտք է գործել Իսակովի փողոցի թիվ 2բ շենքի N բնակարանի բնակչուհի, 1949թ. ծնված Ջ. Ս-ի («Արդշինինվեստբանկ» ՓԲԸ վարկային բաժնի մասնագետ-ոսկերիչ) դիմումն այն մասին, որ 2012թ. սեպտեմբերի 18-ին Իսակովի փողոցի թիվ 1 շենքի N բնակարանի բնակիչ, 1976թ. ծնված Ս. Ծ-ն որպես գրավ բանկ է ներկայացրել ոսկյա զարդեր, փոխարենը ստացել 1.954.000 դրամ գումար: 2013թ. մայիս-հունիս ամիսներին կատարված ստուգումների արդյունքում պարզվել է, որ Ս. Ծ-ի ներկայացրած ոսկյա զարդերը կեղծ են: Ջ. Ս-ն, որպես պատասխանատու անձ, Ս. Ծ-ի փոխարեն մարել է նշված բանկին հասցված 2.320.000 դրամ նյութական վնասը` այն պայմանով, որ վերջինս կվերադարձնի իրեն նշված գումարը: Սակայն մինչ օրս Ս.Ծ-ն գումարը չի վերադարձրել: