ԿԱՅՔԻ ՔԱՐՏԵԶ
ԹԵԺ ԳԻԾ
13.01.2016 12:28
Գողությանը ներգրավել է նաև անչափահասին
Հունվարի 12-ին ոստիկանության Մարտակերտի շրջբաժնի Վանքի բաժանմունքի ծառայողները ստացված տեղեկությունների ստուգման արդյունքում պարզել են, որ Վանք գյուղի բնակիչ, 1987թ. ծնված Ա. Հ-ն, 2015թ. փետրվար-մարտ ամիսների ընթացքում, աշխատելով համագյուղացի՝ 1985թ. ծնված Վ. Օ-ին պատկանող փայտամշակման արտադրամասում, բացել է որպես պահեստ օգտագործվող շինության դռան կողպեքը և մուտք գործելով ներս` գողացել տարբեր էլեկտրասարքեր, իսկ 2015թ. օգոստոս ամսվա ընթացքում նույն գյուղի բնակիչ, 1974թ. ծնված Ս. Ղ-ի տան բակից գողացել է 20 լիտր դիզվառելիք, 11 թև հավ, իսկ հյուրասենյակից` էլեկտրական 1 սափրիչ:
Ա. Հ-ն, 2015թ. սեպտեմբեր ամսվա ընթացքում համագյուղացի՝ 1998թ. ծնված Դ. Կ-ի հետ մուտք են գործել նույն գյուղի բնակիչ, 1967թ. ծնված Ն. Ա-ի տան բակ և հավաբնից գողացել 4 թև հավ, իսկ 2015թ. դեկտեմբերի 8-ից 10-ն ընկած ժամանակահատվածում, պատուհանը բացելով՝ մուտք են գործել համագյուղացի՝ 1963թ. ծնված Հ. Ա-ին պատկանող անասնաֆերմային կից պահեստ և գողացել 16 կգ ներկ, 1 կգ մեխ և 0,5 լիտր թորած օղի:
Գողոնը մասամբ առգրավված է: