ԿԱՅՔԻ ՔԱՐՏԵԶ
ԹԵԺ ԳԻԾ
11.08.2020 15:08
Գողության դեպքը բացահայտվել է
Օգոստոսի 10-ին ժամը 13:45-ին Շուշիի շրջանի բնակիչ, 1966թ.ծնված Ա. Դ.-ն հեռախոսով հաղորդել է ԱՀ ոստիկանության Շուշիի շրջանային բաժին այն մասին, որ իրենց պատկանող ավտոտնակում պահվող գումարը գողացել են:
Ստուգմամբ պարզվել է, որ 2020թ.հուլիսի 25-ից մինչև օգոստոսի 9-ն ընկած ժամանակահատվածում, անհայտ անձը մուտք է գործել Շուշիի շրջանի բնակիչ, 1934թ.ծնված Ս. Դ.-ին պատկանող Մեծ-շեն գյուղում տեղակայված ավտոտնակ և այնտեղ առկա մետաղյա արկղից գաղտնի հափշտակել 9.000.000 դրամ, 8.000 ԱՄՆ դոլար և որոշակի չափով ռուբլի:
ԱՀ ոստիկանության քրեական հետախուզության վարչության ծառայողները համատեղ Շուշիի շրջանային բաժնի և ԱՀ ԱԱԾ ծառայողների հետ տաք հետքերով ձեռնարկած օպերատիվ հետախուզական միջոցառումների արդյունքում պարզել են, որ նշված գողությունը կատարել է Ստեփանակերտ քաղաքի բնակիչ, 1979թ.ծնված Զ. Հ.-ն:
Զ.Հ.-ի կողմից օգտագործվող Ստեփանակերտ քաղաքի Հեքիմյան 14 շենքի բակում գտնվող ավտոտնակում հայտնաբերվել և վերցրվել է գողոն հանդիսացող ընդհանուր 6.730.000 դրամ, 110.000 ՌԴ ռուբլի և 9720 ԱՄՆ դոլար:
Ստուգմամբ զբաղվում է ԱՀ ոստիկանության Շուշիի շրջանային բաժինը:
