ԿԱՅՔԻ ՔԱՐՏԵԶ
ԹԵԺ ԳԻԾ
02.02.2015 17:28
Գողության դեպքեր
Հունվարի 31-ին` ժամը 23:00-ից մինչև փետրվարի 1-ի ժամը 07:00-ն ընկած ժամանակահատվածում, անհայտ անձը, մեխանիկական ներգործությամբ պատուհանը բացելով, մուտք է գործել Մարտակերտ քաղաքի Ն. Դանիելյան փողոցի թիվ 26 շենքի N բնակարանի բնակչուհի, 1974թ. ծնված Լ. Զ-ին պատկանող առևտրի սրահ (Ն. Դանիելյան փ.) և գողացել տարբեր տեսակի մթերային ապրանքներ, իսկ փետրվարի 1-ին` ժամը 00:05-ից մինչև 08:15-ն ընկած ժամանակահատվածում, անհայտ անձը մուտք է գործել Նալբանդյան փողոցի N տան բնակիչ, 1952թ. ծնված Յու. Մ-ին պատկանող առևտրի սրահ (Ա. Սախարովի փ.) և գողացել տարբեր տեսակի կենցաղային ու տնտեսական ապրանքներ:
Վնասի չափը պարզվում է:
****
Հունվարի 31-ին ոստիկանության Շահումյանի շրջբաժնի ծառայողները գողություն կատարելու կասկածանքով զննության են ենթարկել Մարտակերտի շրջանի Չափար գյուղի բնակիչ, 1983թ. ծնված Ս. Ե-ի վարած «ՎԱԶ-2101» ավտոմեքենան, որի սրահում հայտնաբերվել է 10 պարկ ցեմենտ:
Կատարված ստուգումներից պարզվել է, որ նույն օրը` ժամը 01:00-ի սահմաններում, նախնական համաձայնությամբ Ստեփանակերտ քաղաքի Մ. Նեյմանի փողոցի N տան բնակիչ, 1985թ. ծնված Գ. Ա-ն և Լուսավորչի փողոցի N տան բնակիչ, 1988թ. ծնված Ա. Ա-ն Չարեքտար համայնքի վարչական տարածքում գտնվող «Հիմնաքար» ՓԲԸ-ի կողմից շահագործվող տարածքից գաղտնի հափշտակել են նշված ցեմենտը` ընկերությանը պատճառելով զգալի չափերի հասնող նյութական վնաս:
Նշված անձինք բերման են ենթարկվել ոստիկանության շրջբաժին:
Գողոնն առգրավված է: