ԿԱՅՔԻ ՔԱՐՏԵԶ
ԹԵԺ ԳԻԾ
16.03.2020 12:54
Գողության դեպքեր են բացահայտվել
Մարտի 12-ին ժամը 04:00-ի սահմաններում ԱՀ ոստիկանության Ստեփանակերտ քաղաքի վարչության քրեական հետախուզության բաժնի ծառայողները մայրաքաղաքի Հ. Թումանյան փողոցից գողություն կատարելու կասկածանքով ոստիկանության քաղաքային վարչություն է են բերման ենթարկել Ստեփանակերտ քաղաքի բնակիչ, 1963թ.ծնված Ա. Ա.-ին, ում հագուստի գրպանում անձնական խուզարկությամբ հայտնաբերվել է թվով 3 գրասենյակային կտրիչ, 1 հատ աքցան և 10 մետր երկարությամբ մետաղալար:
Կատարված ստուգումներից պարզվել է, որ Ա. Ա.-ն մարտի 12-ին ժամը 03:15-ի սահմաններում ուրիշի գույքը գաղտնի հափշտակելու նպատակով ներկայացել էր Հ. Թումանյան փողոցի թիվ 109 հասցեում գտնվող «ՄԻՔ-Շին» ՍՊԸ տարածք և գաղտնի հափշտակել նշված ընկերությանը պատկանող 10 մետր երկարությամբ մետաղալարը:
Գողոնն առգրավված է:
Ստուգմամբ զբաղվում է ոստիկանության քաղաքային վարչությունը:
Մարտի 12-ին «ՄԻՔ-Շին» ՍՊԸ-ի տարածքից գողություն կատարելու կասկածանքով ԱՀ ոստիկանության Ստեփանակերտ քաղաքի վարչություն բերման ենթարկված մայրաքաղաքի բնակիչ, 1963թ.ծնված Ա. Ա.-ի հետ տարված բացատրական աշխատանքների արդյունքում պարզվել է, որ վերջինս մարտ ամսվա սկզբներին ուրիշի գույքը գաղտնի հափշտակելու նպատակով ներկայացել էր նշված ընկերության տարածք և գաղտնի հափշտակել ընկերությանը պատկանող մոտ 25-30 մետր երկարությամբ մետաղալար:
Գողոնը մասամբ առգրավված է:
Պարզվել է նաև, որ վերջինս փետրվար ամսվա վերջերին ուրիշի գույքը գաղտնի հափշտակելու նպատակով ներկայացել էր նշված ընկերության տարածք և գաղտնի հափշտակել ընկերությանը պատկանող մոտ 40-50 մետր երկարությամբ մետաղալարը:
Գողոնը մասսամբ առգրավված է:
Ստուգումներով զբաղվում է ԱՀ ոստիկանության Ստեփանակերտ քաղաքի վարչությունը: