ԿԱՅՔԻ ՔԱՐՏԵԶ
ԹԵԺ ԳԻԾ
29.08.2015 12:42
Բացահայտվել է նախկինում կատարված ևս 3 հանցագործություն
2014թ. սեպտեմբերի 3-ին հաղորդվել էր Ստեփանակերտ քաղաքի Ա. Գրաշու փողոցի 3-րդ շենքի N բնակարանի բնակիչ, 1986թ. ծնված Մ. Ա-ին պատկանող «ՎԱԶ 2106» ավտոմեքենայից «Պանասոնիկ» տեսակի նվագարկիչ գողանալու մասին:
ԼՂՀ ոստիկանության քրեական հետախուզության վարչության, Ստեփանակերտի քաղվարչության և Շուշիի շրջբաժնի ծառայողների համատեղ ձեռնարկված օպերատիվ միջոցառումների արդյունքում պարզվել է, որ նշված գողությունը կատարել է Շուշի քաղաքի Տմբլաչի Խաչանի փողոցի N տան բնակիչ, 1984թ. ծնված Ա. Մ-ն: Բացի այդ, պարզվել է նաև, որ Ա. Մ-ն ս.թ. հունիս ամսում մուտք է գործել Ստեփանակերտ քաղաքի Վ.Սարոյան փողոցի 4-րդ շենքի N բնակարանի բնակիչ, 1955թ. ծնված Ա. Պ-ին պատկանող՝ Շուշի քաղաքի Թևանի փողոցի N հասցեում գտնվող շինությունը և գողացել 1 ինքնաեռ, 1 զոդման սարք և վերմակ, իսկ Տմբլաչի Խաչանի փողոցի թիվ 27ա տան մոտ կայանված՝ Շուշի քաղաքի Լեոյի փողոցի N տան բնակիչ, 1989թ. ծնված Ա. Մ-ին պատկանող «ԳԱԶ-3110» ավտոմեքենայի սրահից գողացել է բջջային հեռախոս:
Գողոնն առգրավված է: