ԿԱՅՔԻ ՔԱՐՏԵԶ
ԹԵԺ ԳԻԾ
26.12.2019 14:54
Բացահայտվել է գողության դեպքը
Դեկտեմբերի 24-ին Ասկերանի շրջանի բնակիչ, 1987թ.ծնված Հ. Հ.-ն հեռախոսով հայտնել է ԱՀ ոստիկանության Ասկերանի շրջանային բաժին առ այն, որ Սարդարաշեն գյուղում գողություն է կատարվել:
Ոստիկանության ծառայողները պարզել են, որ նույն օրը ժամը 11:30-ի սահմաններում Ստեփանակերտ քաղաքի բնակիչ, 2002թ.ծնված Խ. Բ.-ն պատուհանով ապօրինի մուտք է գործել նույն գյուղի հանգուցյալ բնակիչ Լուսիկի (տվյալները ճշտվում են) տուն և այնտեղից գաղտնի հափշտակել տարբեր տեսակի կենցաղային իրեր որոնք տեղափոխել և տեղադրել է «Մերսեդես C-180» մակնիշի ավտոմեքենայի մեջ, այնուհետև չկողպված դռնով մուտք է գործել նույն շրջանի բնակիչ,1971թ. Ն. Ա.-ին պատկանող տան նկուղ և այնտեղից վերցրել տարբեր տեսակի կենցաղային իրեր, 12մ. պղնձե, 18մ. ալյումինե լարեր, իսկ նշված տան երկրորդ հարկի դռան կողպեքը ջարդելու միջոցով մուտք գործել ներս և խոհանոցից վերցնելով տարբեր տեսակի կենցաղային իրեր փորձել է հեռանալ տնից, սակայն լսելով ձայներ գողոնը թողել և հեռացել է:
Գողոնն առգրավված է, Խ. Բ.-ն բերման է ենթարկվել ԱՀ ոստիկանության Ասկերանի շրջանային բաժին:
Ստուգմամբ զբաղվում է ԱՀ ոստիկանության Ասկերանի շրջանային բաժինը:
