ԿԱՅՔԻ ՔԱՐՏԵԶ
ԹԵԺ ԳԻԾ
25.09.2019 12:19
Բացահայտվել է գողության դեպքը
Սեպտեմբերի 23-ին մայրաքաղաքի բնակիչ,1977թ.ծնված Թ. Հ.-ն հեռախոսով հաղորդել է ԱՀ ոստիկանության Ստեփանակերտ քաղաքի վարչություն առ այն, որ մայրաքաղաքի Բաղրամյան փողոցի թիվ 3 շենքի մոտ տեղակայված խանութի ապակին գտնվում է բաց վիճակում և դրամարկղից բացակայում է 4000 դրամ գումար և անհայտ քանակի կոպեկներ:
Ոստիկանության ծառայողները պարզել են, որ սեպտեմբերի 22-ին ժամը 21:30-ից մինչև սեպտեմբերի 23-ի ժամը 08:30-ն ընկած ժամանակահատվածում անհայտ անձը մեխանիկական ներգործությամբ պատուհանը բացելու եղանակով մուտք է գործել Բաղրամյան փողոցի թիվ 3 շենքին կից Թ. Հ-ին պատկանող մթերային խանութ և գողացել 4000 դրամ գումար և մոտ 1000 դրամի մետաղադրամ:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը:
Ոստիկանության ծառայողների կողմից ձեռնարկված միջոցառումների արդյունքում պարզվել է, որ նշված գողությունները կատարել են Շուշի քաղաքի բնակիչ, 2004թ.ծնված Մ. Բ.-ն, Մարտակերտի շրջանի բնակիչ, 2004թ.ծնված Վ. Բ.-ն և Քաշաթաղի շրջանի բնակիչ, 2004թ.ծնված Ս. Մ.-ն:
Գողոնը մասամբ առգրավված է:
Ստուգմամբ զբաղվում է ԱՀ ոստիկանության Ստեփանակերտ քաղաքի վարչությունը: