ԿԱՅՔԻ ՔԱՐՏԵԶ
ԹԵԺ ԳԻԾ
30.06.2015 15:19
Բացահայտվել է գողության 3 դեպք
Հունիսի 29-ին Ստեփանակերտ քաղաքի Վաղարշյան փողոցի թիվ 50 շենքի N բնակարանի բնակիչ, 1986թ. ծնված Է. Ա-ն հեռախոսով ոստիկանության քաղվարչության հերթապահ մաս է հաղորդել այն մասին, որ Թումանյան փողոցի թիվ 93 հասցեում տեղակայված` իրեն պատկանող առևտրի կրպակից գողություն է կատարվել:
Ձեռնարկված միջոցառումների արդյունքում պարզվել է, որ հունիսի 27-ի ժամը 23:10-ից մինչև հունիսի 29-ի ժամը 07:30-նն ընկած ժամանակահատվածում Մարտակերտի շրջանի Չլդրան գյուղի բնակիչ, 1988թ. ծնված Վ. Ս-ն, պատուհանի ապակին ջարդելով, մուտք է գործել նշված կրպակ և գողացել տարբեր ծխախոտներ, մեկ շիշ կոմպոտ ու 15.700 դրամ:
Գողոնը մասամբ առգրավված է:
Վ. Ս-ն բերման է ենթարկվել ոստիկանության Ստեփանակերտի քաղվարչություն:
****
Ս.թ. մայիսի 13-ին և հունիսի 20-ին հաղորդվել էր Մարտակերտի շրջանի Դրմբոն գյուղում տեղակայված` 1958թ. ծնված Ս. Ա-ին պատկանող առևտրի սրահից և Չլդրան գյուղում տեղակայված` 1980թ. ծնված Է. Ղ-ին պատկանող խանութից գողություն կատարելու մասին:
Ձեռնարկված միջոցառումների արդյունքում պարզվել է, որ նշված գողությունները կատարել է Չլդրան գյուղի բնակիչ, 1988թ. ծնված Վ. Ս-ն:
