ԿԱՅՔԻ ՔԱՐՏԵԶ
ԹԵԺ ԳԻԾ
22.02.2018 13:28
Արցախի Հանրապետության ոստիկանության պետը քննարկեց համալիր-տեսչական ստուգումների արդյունքները
Սույն թվականի փետրվարի 21-ին ԱՀ ոստիկանությունում կայացած օպերատիվ խորհրդակցությունը նվիրված էր ոստիկանության 2017թ դեկտեմբերի 4-ից մինչև 16-ն ընկած ժամանակահատվածում ԱՀ ոստիկանության ճանապարհային ոստիկանության¸ քրեակատարողական և պետական պահպանության վարչություններում ու տարածքային ստորաբաժանումներում անցկացված համալիր-տեսչական ստուգումների արդյունքների քննարկմանը։
Խորհրդակցությունը վարում էր ԱՀ ոստիկանության պետ¸ գեներալ-մայոր Կամո Աղաջանյանը։ Մասնակցում էին ոստիկանության ղեկավար կազմը¸ համալիր-տեսչական ստուգումներ իրականացրած հանձնախումբը¸ ոստիկանության կենտրոնական ապարատի և տարածքային ստորաբաժանումների պատասխանատուները։
Համալիր-տեսչական ստուգումների արդյունքների վերաբերյալ զեկույցով հանդես եկավ հանձնախմբի ղեկավար¸ ոստիկանության պետի տեղակալ-շտաբի պետ¸ ոստիկանության գնդապետ Բորիս Ենգիբարյանը¸ ով ըստ ստորաբաժանումների մանրամասն ներկայացրեց հայտնաբերված բացթողումներն ու թերությունները։
Ոստիկանության պետը առանձին–առանձին վերլուծելով համալիր-տեսչական ստուգումների արդյունքները և լսելով պատասխանատուների զեկույցները¸ ստորաբաժանման ղեկավարներից պահանջեց անհապաղ վերացնել տեղ գտած բացթողումներն ու թերությունները և որակական նոր հարթություն տեղափոխել ծառայությունը։
Վերջում հրապարակվեց ոստիկանության պետի հրամանը¸ համաձայն որի համալիր-տեսչական ստուգումների արդյունքներով թերացած ծառայողները ենթարկվեցին կարգապահական տույժի¸ իսկ դրական ցուցանիշներ արձանագրած ոստիկանության մի խումբ ծառայողներ արժանացան խրախուսման։