ԿԱՅՔԻ ՔԱՐՏԵԶ
ԹԵԺ ԳԻԾ
30.11.2017 00:05
Արցախի Հանրապետության ոստիկանության պետ, գեներալ-մայոր Կամո Աղաջանյանի շնորհավորական ուղերձը ոստիկանության ծառայողի մասնագիտական օրվա առթիվ
Ոստիկանության հարգելի ծառայողներ¸ վաստակաշատ վետերաններ.
Այսօր արդեն կարող ենք արձանագրել¸ որ վերջին տարիներին ոստիկանությունում իրականացվող բարեփոխումները տալիս են իրենց սպասելի արդյունքները։ Հանցավորության դեմ տարվող պայքարին և հասարակական անվտանգության ապահովման ուղղությամբ իրականացվող միջոցառումների նպատակայնության հետ զուգահեռ էականորեն փոխվել է Արցախյան ոստիկանի ինչպես մասնագիտական¸ այնպես էլ բարոյակամային կերպարը¸ որն իր հերթին դրականորեն է ներազդել նաև հասարակության կողմից ոստիկանության հանդեպ վստահության ամրապնդմանը։
Այդքանով հանդերձ կարծում եմ¸ որ դեռևս ապագայում է մեր հույսերի իրականացումը։ Հավաստիացնում եմ¸ որ միայն իր կոչմանն ու գործին հավատարիմ ոստիկանությունը կարժանանա պետության և ժողովրդի արժևորմանը։
Հարգելի գործընկերներ.
Մասնագիտական տոնի կապակցությամբ շնորհավորում եմ հող հայրենիի համար նահատակված ոստիկանների ընտանիքներին, ոստիկանության հաշմանդամներին¸ բազմավաստակ վետերաններին, ոստիկանության ողջ անձնակազմին, մաղթում եմ առողջություն և անձնական երջանկություն:
Իրավակարգի մշտարթուն զինվորներ, քայլեք ժամանակի պահանջներին համաքայլ և հիշեք¸ որ Ձեզ մեծ առաքելություն է տրված` ծառայել պետությանն ու այն ժողովրդին¸ ում փառավոր զավակների արյան գնով է նվաճվել սեփական հողում ազատ ապրելու իրավունքը: