ԿԱՅՔԻ ՔԱՐՏԵԶ
ԹԵԺ ԳԻԾ
16.01.2019 18:43
Արդարամտություն և սկզբունքայնություն յուրաքանչյուրի նկատմամբ ԱՀ ոստիկանության պետը ամփոփեց ճանապարհային ոստիկանության 2018թ. ծառայողական գործունեության արդյունքները
Սույն թվականի հունվարի 16-ին ԱՀ ոստիկանության պետ, ոստիկանության գնդապետ Իգոր Գրիգորյանը ամփոփեց ճանապարհային ոստիկանության 2018թ. ծառայողական գործունեության արդյունքները։
Մասնակցում էին ճանապարհային ոստիկանության ղեկավար և սպայական կազմը։
Հիմնական զեկույցով հանդես եկավ ճանապարհային ոստիկանության պետ, ոստիկանության փոխգնդապետ Իգոր Օհանյանը։
Իր մտահոգություններն արտահայտելով ճանապարհատրանսպորտային պատահարների, զոհերի և վիրավորների թվի աճի հանգամանքով, ԱՀ ոստիկանության պետը որպես ոստիկանության գործունեության առաջնահերթություն համարեց անվտանգ երթևեկության ապահովման ուղղությամբ իրականացվող աշխատանքները, պահանջեց ամենայն հոգատարությամբ և համբերությամբ նոր եռանդ ու նոր մոտեցումներ հաղորդել կազմակերպվող ծառայությանը, արդարամտություն և սկզբունքայնություն ցուցաբերել յուրաքանչյուրի նկատմամբ։