ԿԱՅՔԻ ՔԱՐՏԵԶ
ԹԵԺ ԳԻԾ
23.05.2018 18:32
Ատեստավորում ԱՀ ոստիկանությունում
Ս.թ մայիսի 21-ից 22 –ն ատեստավորում են անցել ոստիկանության գլխավոր, ավագ, միջին և կրտսեր խմբերի պաշտոններ զբաղեցնող 130 ոստիկանության ծառայողներ։
Ոստիկանության գլխավոր և ավագ խմբերի պաշտոններ զբաղեցնող ոստիկանության ծառայողները ատեստավորում անցան Արցախի Հանրապետության ոստիկանության պետ , գեներալ-մայոր Կամո Աղաջանյանի նախագահությամբ կազմավորված ատեստավորման հանձնաժողովի մոտ։
Ոստիկանության ծառայողների ատեստավորման կարգը և պայմանները ամրագրված է §Ոստիկանությունում ծառայության մասին ¦ ԼՂՀ օրենքով։ Ոստիկանության ծառայողների հերթական ատեստավորումն անցկացվում է երեք տարին մեկ անգամ։
ԱՀ ոստիկանության Կենրոնական ապարատի, ՃՈ, ՊՊՎ, ՔԿՎ և տարածքային ստորաբաժանումների միջին և կրտսեր խմբերի պաշտոններ զբաղեցնող ոստիկանության ծառայողները ատեստավորումն անցել են ԱՀ ոստիկանության պետի հրամանով ստեղծված ատեստավորման հանձնաժողովների կողմից։
Ատեստավորման արդյունքում ատեստավորման հանձնաժողովն ընդունում է հետևյալ որոշումներից միայն մեկը՝համապատասխանում է զբաղեցրած պաշտոնին, կարող է զբաղեցնել ավելի բարձր պաշտոն, կարող է ներկայացվել խրախուսման, ատեստավորումը հետաձգել մինչև մեկ տարի ժամկետով՝ծառայողին գործուղելով վերապատրաստման , չի համապատասխանում զբաղեցրած պաշտոնին։
Ս.թ մայիսի 21-22-ն ընկած ժամանակահատվածում ԱՀ ոստիկանության գլխավոր, ավագ, միջին և կրտսեր խմբերի պաշտոններ զբաղեցնող ատեստավորում անցած 130 ոստիկանության ծառայողներից 114-ը՝ համապատասխանում է զբաղեցրած պաշտոնին , 8-ը ՝կարող է զբաղեցնել ավելի բարձր պաշտոն , 4-ի ատեստավորումը հետաձգվել է մեկ ամիս ժամկետով , 4-ը կարող է ներկայացվել խրախուսման։
Ս.թ մայիսի 23-ին ԱՀ ոստիկանության պետ, գեներալ-մայոր Կամո Աղաջանյանի հրամանով՝ատեստավորման արդյունքներով , ոստիկանության չորս ծառայող պարգևատրվել են դրամական միջոցներով։
