ԿԱՅՔԻ ՔԱՐՏԵԶ
ԹԵԺ ԳԻԾ
14.08.2014 14:21
Ավտովթարը 2 մարդու կյանք է խլել
Օգոստոսի 14-ին շրջբուժմիավորումից ոստիկանության Մարտակերտի շրջբաժնի հերթապահ մաս հաղորդում է ստացվել այն մասին, որ Չլդրան գյուղի մոտ ճանապարհատրանսպորտային պատահար է տեղի ունեցել:
Պարզվել է, որ նույն օրը` ժամը 01:00-ի սահմաններում, Դրմբոն-Ստեփանակերտ ավտոճանապարհի 8-րդ կիլոմետրին իրար են բախվել Վերին Հոռաթաղ գյուղի բնակիչ, 1991թ. ծնված Հայկ Մաքսիմի Մկրտչյանի վարած «Ֆոլկսվագեն» և Ստեփանակերտ քաղաքի Գ.Լուսավորչի փողոցի N տան բնակիչ, 1969թ. ծնված Ա. Ա-ի վարած «ՎԱԶ-2107» մակնիշի ավտոմեքենաները, ինչի հետևանքով Հայկ Մկրտչյանը և նրա ուղևորը` Մարտակերտ քաղաքի Մ. Մաշտոցի փողոցի թիվ 1 տան բնակիչ, 1986թ. ծնված Գրիշա Վլադիմիրի Սարգսյանը մահացել են, իսկ Ա. Ա-ն և իր ուղևոր` Վերին Հոռաթաղ գյուղի բնակիչ, 1971թ. ծնված Ա. Վ-ն մարմնական վնասվածքներով տեղափոխվել են Մարտակերտի կայազորի զինհոսպիտալ և Հանրապետական բժշկական կենտրոն: