ԿԱՅՔԻ ՔԱՐՏԵԶ
ԹԵԺ ԳԻԾ
06.12.2019 12:38
Ավտոմեքենայի դիմացի հատվածը ընկել է քաղաքացու վրա
Դեկտեմբերի 5-ին Կովսականի բուժմիավորումից հաղորդում է ստացվել ԱՀ ոստիկանության Քաշաթաղի շրջանային բաժին առ այն, որ նույն օրը ժամը 16:40-ին ներգանգային տրավմա ցավային շոկ ախտորոշմամբ իրենց մոտ է տեղափոխվել Քաշաթաղի շրջանի Միջնավան քաղաքի բնակիչ, 1990թ.ծնված Հ. Ս.-ն :
Ոստիկանության ծառայողը պարզել է, որ նույն օրը ժամը 16:00-ի սահմաններում Հ. Ս.-ն Միջնավան քաղաքում տեղակայված իրենց տան բակում իրեն պատկանող «Վոլկսվագեն» մակնիշի ավտոմեքենայի տակ տեխնիկական աշխատանքներ կատարելիս ավտոմեքենան բարձրացրած մեխանիզմը կոտրվելու հետևանքով ավտոմեքենայի դիմացի հատվածը ընկել է վերջինիս վրա պատճառելով նշված վնասվածքները։
Ստուգմամբ զբաղվում է ԱՀ ոստիկանության Քաշաթաղի շրջանային բաժինը: