ԿԱՅՔԻ ՔԱՐՏԵԶ
ԹԵԺ ԳԻԾ
06.06.2014 12:37
Ավազակային հարձակում
Հունիսի 5-ին ԼՂՀ ոստիկանության քրեական հետախուզության վարչության և ոստիկանության Ստեփանակերտի քաղվարչության ծառայողները ստացված օպերատիվ տվյալներն իրացնելիս պարզել են, որ 2013թ. մայիսի 21-ին, ժամը 03:00-ի սահմաններում, Հադրութի շրջանի Դրախտիկ գյուղի բնակիչ, 1989թ. ծնված Տ. Օ-ն, Մարտունու շրջանի Շեխեր գյուղի բնակիչ, 1983թ. ծնված Գ. Ա-ն և Ստեփանակերտ քաղաքի Ա. Մանուկյան փողոցի թիվ 17 շենքի N բնակարանի բնակիչ, 1983թ. ծնված, նախկինում դատված Ռ. Գ-ն նախնական համաձայնությամբ դիմակով, գազային ատրճանակով, էլեկտրահարող սարքով ու երկաթյա ձողով ավազակային հարձակմամբ մուտք են գործել Ասկերանի շրջանի Մադաթաշեն գյուղի բնակիչ, 1951թ. ծնված Գ. Պ-ի տուն, որտեղ բռնություն գործադրելով և զենքի սպառնալիքով կապել են Գ. Պ-ի ձեռքերն ու աչքերը, տնից հափշտակել մոտ 600.000 ՀՀ դրամ, «Նոկիա» բջջային հեռախոս, 1 ոսկյա ատամ, 7-8 հատ ոսկեգույն կրծքանշան, 1 վզնոց, 2 մատանի, 2 գդալ և հեռացել:
Նշված անձինք բերման են ենթարկվել ԼՂՀ ոստիկանության ՔՀ վարչություն: