ԿԱՅՔԻ ՔԱՐՏԵԶ
ԹԵԺ ԳԻԾ
30.12.2020 09:50
Առանց հափշտակելու նպատակի ապօրինաբար տիրացել է ավտոմեքենային կամ տրանսպորտային այլ միջոցին
Դեկտեմբերի 29-ին Մարտունու շրջանի բնակիչ, 2001թ.ծնված Ա. Հ.-ն հեռախոսով հաղորդել է ԱՀ ոստիկանության Մարտակերտի շրջանային բաժին այն մասին, որ իրեն պատկանող ավտոմեքենան առևանգել են:
Ստուգմամբ պարզվել է, որ նույն օրը ժամը 23:30-ի սահմաններում անհայտ անձը գաղտնի հափշտակել է Մարտակերտ քաղաքի Արամ Խաչատրյան փողոցում տեղակայված Ա. Հ.- ին պատկանող «ՎԱԶ-2107» մակնիշի ավտոմեքենան:
ԱՀ ոստիկանության Մարտակերտի շրջանային բաժնի ծառայողները՝ ԱԱԾ Մարտակերտի բաժնի և ԱՀ ոստիկանության ՃՈ ծառայողների հետ համատեղ պարզել են, որ նշված գողությունը կատարել է Ստեփանակերտ քաղաքի բնակիչ, 1977թ.ծնված Հ. Ս.-ն։
Պարզվել է նաև, որ Հ. Ս.-ն դեկտեմբերի 29-ին ժամը 22:30-ի սահմաններում գաղտնի հափշտակել է Մարտակերտ քաղաքի Սախարով փողոցում կայանված Մարտակերտի շրջանի բնակիչ, 1975թ.ծնված Ն. Հ.-ին պատկանող «ԳԱԶ-3110» մակնիշի ավտոմեքենան:
Նույն օրը ժամը 23:10-ի սահմաններում վերջինս գաղտնի հափշտակել է նաև Մարտակերտ քաղաքի Արամ Խաչատրյանի փողոցում կայանված Մարտակերտի շրջանի բնակիչ, 1973թ.ծնված Ա. Բ.- ին պատկանող «Ֆորդ տրանզիտ» մակնիշի ավտոմեքենան:
Հ. Ս.-ն բերման է ենթարկվել ԱՀ ոստիկանության Մարտակերտի շրջանային բաժին:
Ստուգումներով զբաղվում է ԱՀ ոստիկանության Մարտակերտի շրջանային բաժինը: